Duela gutxi hamabost lagunek konpostatzeari buruzko prestakuntza teoriko praktikoa jaso zuten Nafarroako Unibertsitate Publikoan (NUP). Zehazki, parte-hartzaileak entitate sozial hauetakoak ziren: Gure Sustraiak (Ollaran-Iruñea), Josenea (Zangoza) eta Malerreka Common Zerbitzuak (Doneztebe).
Konpostatze-prestakuntzako parte-hartzaileak, NUPen.
Jardunaldian, udal biohondakinen konpostatze komunitarioari buruzko hitzaldia eman zuen Ramón Plana Gonzalez-Sierrak, eta gero eskola praktiko bat egin zen NUPeko jantokietako konpostatze-eremuan. Biharamunean, prestakuntza praktikoa Xabierko udalerrian egin zen Zangozako Mankomunitatearekin lankidetzan.
Natxo Irigoien irakaslea jarraibideak ematen konpostatze jardunaldiaren aurretik.
Prestakuntza Biocompas proiektuaren barruan zegoen. Proiektu hori zentratzen da ekonomia sozialeko enpresek ingurumenaren arloan duten lankidetzan. Proiektuak Nafarroako Gobernuaren finantzaketa du.